11 дүгээр сургуулийн барилгыг өргөтгөнө

2016 оны 05-р сарын 24 өдөр, 10 цаг 36 минутад нийтэлсэн (Сэтгэгдэл үлдээх )

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Хөрөнгө оруулалтын ажлыг зохион байгуулах тухай” А/369 дүгээр захирамж гаргалаа. Захирамжаар Улсын төсвийн хөрөнгөөр 2016 онд санхүүжүүлэх Боловсрол, соёл, шинжлэх ухааны сайдаас нийслэлийн Засаг даргад эрх шилжүүлэн хэрэгжүүлж буй  хөрөнгө оруулалтын төсөл арга хэмжээний жагсаалтыг батлав.Батлагдсан төсөл арга хэмжээнд захиалагчийн хяналт тавьж  ажиллахыг нийслэлийн Хөрөнгө оруулалтын  газарт  даалгалаа.

Хөрөнгө оруулалтын ажлыг гүйцэтгэлээр санхүүжүүлэхийг нийслэлийн Засаг даргын Тамгын газрын Санхүү, төрийн сангийн хэлтэст, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг Өмчийн харилцааны газарт  тус тус үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлстээс мэдээллээ.

Боловсрол, соёл, шинжлэх ухааны сайдаас нийслэлийн засаг даргад эрх шилжүүлэн хэрэгжүүлж буй  хөрөнгө оруулалтын төсөл арга хэмжээний жагсаалт

№ Төсөл, арга хэмжээний нэр, хүчин чадал, байршил  2016 онд санхүүжих
1 Цэцэрлэгийн барилга /Чингэлтэй дүүрэг, 18 дугаар хороо/ 1094,0
2 Сургуулийн барилгын өргөтгөл, 320 суудал /Сүхбаатар дүүрэг, 11 дүгээр сургууль/ 340,0
3 Цэцэрлэгийн барилга /Чингэлтэй дүүрэг, 8 дугаар хороо/ 300,0
4 Цэцэрлэгийн барилга  120 ор /Сонгинохайрхан дүүрэг,   19 дүгээр хороо, 26 дугаар цэцэрлэг/ 168,0
  ДҮН 1902,0

Share the post "11 дүгээр сургуулийн барилгыг өргөтгөнө"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх