Хүүхдийн баяраар Хөгжлийн банк Шилэн дансаа нуужээ

Шилэн Цогоо нэрээрээ алдаршсан иргэн Б.Цогтгэрэл өнгрөгч амралтын өдрүүдээр нэгэн ноцтой мэдээлэл хийлээ. Тэрээр Шилэн дансны тухай хуулийн дагуу иргэний хяналтаа тавьж Шилэн дансны нэгдсэн цахим хуудсыг эхнээс нь нягтлан үзэж байгаа бөгөөд шалгалтын явцад Хөгжлийн банк Шилэн дансаа дутуу хөтлөж байгаа нь илэрсэн байна.

Хамгийн чухал мэдээллүүд болох 5 сая төгрөгөөс дээш үнийн дүнтэй гүйлгээнүүдийг олон нийтэд ил мэдээлэхээ больсон нь хардлага төрүүлж байгаа бөгөөд удахгүй болох сонгуулийн санхүүжилттэй холбоотой байж болзошгүй хэмээн иргэн Б.Цогтгэрэл тайлбарлаж байна.

Уг асуудлыг Шилэн дансны тухай хуулийн дагуу шүүхэд өгнө гэдгээ тэрээр өөрийн цахим хуудсандаа бичсэн байна.