Хувьцааныхаа мөнгөөр архидсан эхнэр,нөхөр амиа алдаж, гурван хүүхэд өнчирч үлдэв

Өнгөрсөн даваа гаригаас эхлэн хувьцааны мөнгө иргэдийн дансанд орж байна. Сонгуулийн үеэр заавал мөнгө тараах хэрэг байв уу. Сэлэнгэ аймгийн Алтанбулаг суманд зам тээврийн ноцтой осол гарч хүний амь хохирсон нь хувьцааны мөнгөөрөө архидан согтуурсантай холбоотой аж.

Тус сумын байгаль хамгаа¬лагч залуу согтуугаар авто¬машин жолоодож яваад нэг гэр бүлийн аминд хүрсэн байна. Хохирогчид ч бас согтуу байжээ.

Эх сурвалжийн мэдээлснээр, хохирогчид хувьцааныхаа 100 мянган төгрөгийг аваад хэсэг хүмүүстэй архидан согтуурчээ. Уржигдар тэд шөнө орой болтол архидаад уусандаа ханасангүй, нэмж архи авахаар дэлгүүр орохоор явжээ.

Харамсалтай нь, замдаа автомашинд дайруулсан байна. Эхнэр, нөхөр хоёрын нэг нь газар дээрээ нас барж, нөгөө нь эмнэлэгт хүргэгдээд өөд болжээ. Хохирогчид гурван хүүхэдтэй. Одоогоор согтуу жолоочийг цагдан хориод байгаа гэнэ.

Орон нутагт архи худалдаалах цэгүүд хяналтгүй, замбараагаа алдсанаас архинаас үүдэлтэй гэмт хэргийн гаралт нэмэгдсээр байгааг албаны эх сурвалж онцлов.

Архинаас үүдэлтэй хэргийн нэг тохиолдол Алтанбулагийнх болж,нэг айлын амьдрал хэцүүдэж гурван хүүхэд өнчирч үлдэв.

Н.Яруу