Зөөврийн битүүмжилсэн саналын хайрцгаар санал авах ажиллагаа эхэллээ

2016 оны 06-р сарын 28 өдөр, 11 цаг 22 минутад нийтэлсэн (Сэтгэгдэл үлдээх )
Сонгуулийн тухай хуулийн 90 дүгээр зүйлд заасны дагуу санал авах өдрийн өмнөх өдөр буюу өнөөдөр зөөврийн битүүмжилсэн саналын хайрцгаар санал авах ажиллагаа 09:00 цагаас эхэлсэн бөгөөд 20:00 цаг хүртэл үргэлжилнэ. Нийслэлийн хэмжээнд 490 чиглэлд 3978 сонгогч зөөврийн битүүмжилсэн хайрцгаар саналаа өгөх бөгөөд хуулийн дагуу дараах сонгогчдын саналыг зөөврийн битүүмжилсэн саналын хайрцгаар авах юм. Үүнд:
  • Эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй
  • Дайчилгааны тухай хуульд заасны дагуу нийтийн дайчилгаанд хамран ажиллаж байгаа
  • Захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авагдсан
  • Байцаан шийтгэх албадлагын арга хэмжээний улмаас баривчлагдсан, цагдан хоригдсон
  • Санал авах ажиллагааг зохион байгуулж байгаа сонгуулийн байгууллагын ажилтан, цагдаа, иргэний бүртгэлийн байгууллагын итгэмжлэгдсэн төлөөлөгч, мэдээллийн технологийн даамал нар зөөврийн саналын хайрцгаар саналаа өгнө гэж Нийслэлийн Сонгуулийн хорооноос мэдээллээ.      
ЗӨӨВРИЙН ХАЙРЦГААР САНАЛ АВАХ
СОНГОГЧИЙН СУДАЛГАА, ЧИГЛЭЛ

 

№ Дүүрэг Сонгогчийн тоо Хайрцаг/чиглэлийн тоо
1 Баянзүрх 995 118
2 Сүхбаатар 402 66
3 Чингэлтэй 618 66
4 Багахангай 26 2
5 Налайх 188 13
6 Багануур 174 10
7 Баянгол 81 35
8 Хан-Уул 488 72
9 Сонгинохайрхан 1006 108
Нийт 3978 490

Share the post "Зөөврийн битүүмжилсэн саналын хайрцгаар санал авах ажиллагаа эхэллээ"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх