МУСГЗ Л.Одончимэд таалал төгсчээ

2016 оны 07-р сарын 18 өдөр, 12 цаг 46 минутад нийтэлсэн (Сэтгэгдэл үлдээх )

Монголын төр, нийгмийн нэрт зүтгэлтэн, Монгол Улсын Соёлын гавьяат зүтгэлтэн, эрдэмтэн зохиолч Лувсангийн Одончимэд хүнд өвчний улмаас таалал төгсчээ.

Тэрээр 1942 онд Дэлгэрэх суманд төржээ. 1962 онд Сайншанд сумын 10 жилийн дунд сургууль, 1967 онд Анагаах ухааны дээд сургууль, 1974-1977 онд Чехословак улсын Параг хотын Карлын их сургуулийн Анагаах ухааны доктор цол хамгаалсан байна.

Л.Одончимэд нь 1967-1974 онд Дорноговь аймгийн Анагаах ухааны сургуулийн багш, захирал, 1978 оноос МАХН-ын төв хороонд зааварлагч, МҮЭ-ийн төв зөвлөлд Амралт, рашаан сувилалын газрын дарга, Эрүүлийг хамгаалахын үйлдвэрчний эвлэлийн төв хорооны дарга, 1992-1996 онд Дорноговь аймгийн АДХГЗ-ын дарга, Засаг дарга, 1996-2010 онд МУЗН-ийн ерөнхийлөгч, 2000-2008 онд УИХ-ын гишүүнээр 2 удаа сонгогдон Засгийн газрын гишүүн, Нийгмийн хамгаалал, хөдөлмөрийн сайд, 2008-2009 онд Монгол Улсын Ерөнхийлөгчийн зөвлөхөөр ажиллаж байжээ.

Түүний гавьяа зүтгэлийг төр засгаас өндрөөр үнэлж МҮЭ-ийн “Хүний төлөө шагналт” олон улсын хүмүүнлэгийн Чен Гукийн одон, Хөдөлмөрийн гавьяаны улаан тугийн одон, 2008 онд Монгол Улсын Соёлын гавьяат зүтгэлтэн хэмээх эрхэм хүндтэй цолоор шагнаж байжээ.

Ум сайн амгалан болтугай.

Share the post "МУСГЗ Л.Одончимэд таалал төгсчээ"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 1 сэтгэгдэлтэй
  1. Anonymous
     (66.181.160.***)
    2023/11/21 18:49

    Сайн хүн бна
    (0) (0)
    Хариулах