”Гурван бүдүүн” хамтлагийнхан шинэ жилээр тун ч эрэлттэй

Олон сайхан дуугаараа фэнүүдээ байлдан дагуулсан “Гурван бүдүүн” хамтлагийнхан шинэ жилээр тун ч эрэлттэй байдаг гэнэ шүү. Өнгөрсөн жил л гэхэд тэдний хамтлагийнхан гэртээ арай хийж он гаргасан тухайгаа ярьж байсан.

Тус хамтлагийн “Ижийгээ гомдоох учиргүй”, “38-тай Аав”, “Хүн шиг явж Ээжийгээ баярлуулъя”, “Холын чи минь”, “Өгөөмөрийн хурд”, “Хайж олсон жаргал” зэрэг уянгын дуунууд нь хэдийнээ хүмүүсийн амны дуу болсон. Тиймдээ ч шинэ жилийн үдэш сайхан аялгууг нь сонсож, хамтдаа дуулах гэсэн байгууллагуудын захиалгад дарагдах нь мэдээж.

Ялангуяа сүүлийн үед ХИТ болоод байгаа Шагайгийн өөрөө зохиож, дуулсан “Гуч хүрсэн бүсгүй” дуу нь тун ч их эрэлттэй байгаа сурагтай. Энэ тухай хамтлагийнхаа хамаг л дууг зохиосон дуучин Шагай буюу А.Мөнгөншагай өөрийн пэйж хуудсандаа “Энэ жил ч нэлээн ачаалалтай байхнээ.. “Гурванбүдүүн” хамтлагаараа бас ганцаараа Яагаав нөгөө “Гуч гарсан бүсгүй” дуугаа дуулаад явж өгөхнээ.. Нэг зүйлийг анхааруулахад 12 сарын 27, 28, 29, 30, 31 нд захиалга авахгүй гэдгээ албан ёсоор мэдэгдье! Бусад өдөр бол асуудалгүй шүү…” хэмээн бичжээ.