Насанд хүрээгүй хүүхдүүд бүлэглэн дээрэм хийдэг байжээ

Насанд хүрээгүй хүүхдүүд бүлэглэн дээрэм, тонуул хийдэг байсныг Улаанаатар хотын цагдаагийн газрын Гэмт хэрэгтэй тэмцэх газрын албан хаагчид илрүүлжээ.

Тодруулбал А, М, Е, Б нарын толгойлдог дөрвөн бүлэг байдаг бөгөөд насанд хүрээгүй 17 этгээд түүнд харьяалагддаг байна. Тэдгээр нь Баянгол, Сүхбаатар, Чингэлтэй дүүргийн нутаг дэвсгэрт бага насны хүүхдүүдийн гар утас, эд зүйлийг дээрэмдэх мөн Баянзүрх, Сүхбаатар дүүргийн нутаг дэвсгэрт үйл ажиллагаа явуулдаг аж ахуй нэгжүүдээс бэлэн мөнгө, гар утас, зөөврийн компьютер хулгайлсан зэрэг нийт 32 удаагийн гэмт хэрэг давтан үйлдсэн болохыг нь тогтоон шалгаж байгаа юм байна.

С.Атарцэцэг