Гадаад харилцааны дэд сайд Б.Батцэцэг Сингапур Улсад айлчиллаа

2017 оны 03-р сарын 09 өдөр, 11 цаг 56 минутад нийтэлсэн (Сэтгэгдэл үлдээх )
gadaad

Монгол Улсын Гадаад харилцааны Дэд сайд Б.Батцэцэг Бүгд Найрамдах Сингапур Улсад 2017 оны 3 дугаар сарын 3-ны өдөр ажлын айлчлал хийлээ. Айлчлалын хүрээнд тэрээр Бүгд Найрамдах Сингапур Улсын Гадаад хэргийн яамны Төрийн нарийн бичгийн дарга Нг Тэк Хен-тэй уулзаж, хоёр орны харилцааны асуудлаар санал солилцов.

Уулзалтын үеэр Сингапур Улсын Гадаад хэргийн яамны Төрийн нарийн бичгийн дарга Нг Тэк Хен Дэд сайд Б.Батцэцэгт Сингапур Улсын Гадаад хэргийн яамны харъяа Дипломат академиас 2017 оны 5 дугаар сард зохион байгуулах богино хугацааны сургалтад Монгол Улсын залуу дипломат ажилтныг оролцуулах урилга гардуулав.

Мөн өдөр Монгол Улсаас Бүгд Найрамдах Сингапур Улсад суугаа Элчин сайдын яамнаас зохион байгуулсан Соёлын элчийн гэрчилгээ гардуулах арга хэмжээнд Дэд сайд Б.Батцэцэг оролцож, Сингапур Улсын иргэн Дато Энди Вонг-д Монгол Улсын Соёлын элчийн гэрчилгээг гардууллаа.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх