Батлан хамгаалахын сайд Б.Бат-Эрдэнэ ОХУ-д ажлын айлчлал хийж байна

2017 оны 04-р сарын 26 өдөр, 17 цаг 16 минутад нийтэлсэн (Сэтгэгдэл үлдээх )
baterdene2

ОХУ-ын Батлан хамгаалахын сайд Армийн генерал Сергей Кужугетович Шойгугийн урилгаар Монгол Улсын Батлан хамгаалахын сайд Б.Бат-Эрдэнэ 2017 оны 4 дүгээр сарын 24-28-ны өдрүүдэд ОХУ-д ажлын айлчлал хийж, Олон улсын аюулгүй байдлын Москвагийн 6 дугаар бага хуралд оролцож байна. Айлчлалын эхний өдөр Батлан хамгаалахын сайд Б.Бат-Эрдэнэ Монгол Улсаас ОХУ-д сугаа Онц бөгөөд Бүрэн эрхт Элчин сайд Б.Дэлгэрмаа болон Москва хотноо цэргийн сургуулиудад суралцаж байгаа Монголын цэргийн алба хаагчидтай уулзалт хийлээ.
Мөн энэхүү айлчлалын хүрээнд хоёр орны Батлан хамгаалахын сайд нар ажлын уулзалт хийж, Монгол, Оросын батлан хамгаалах салбарын харилцаа, цэргийн болон цэрэг-техникийн хамтын ажиллагааны асуудлын талаар хэлэлцэж, харилцан санал солилцсон юм. Уулзалт яриа амжилттай, халуун дотно болж өнгөрсөн ба ОХУ-ын Батлан хамгаалахын сайд Армийн генерал Сергей Кужугетович Шойгуг тааламжтай цагтаа Монгол Улсад айлчлах урилгыг Монгол Улсын Батлан хамгаалахын сайд Б.Бат-Эрдэнэ гардуулсныг хүлээн авч, энэ ондоо айлчлахаа илэрхийллээ.
ОХУ, Монгол Улсад цэрэг-техникийн буцалтгүй тусламж үзүүлж, Монголын цэргийн алба хаагчдыг Оросын цэргийн төрөл бүрийн сургуулиудад хөнгөлөлттэй болон тусламжийн журмаар сургадаг бөгөөд хоёр орны хамтарсан “Сэлэнгэ” цэргийн хээрийн сургуулийг хоёр талдаа харилцан хамтран зохион байгуулан явуулдаг уламжлалтай билээ.

Share the post "Батлан хамгаалахын сайд Б.Бат-Эрдэнэ ОХУ-д ажлын айлчлал хийж байна"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 3 сэтгэгдэлтэй
  1. Anonymous
     (103.10.22..***)
    2017/04/27 15:49

    Манай аварга ямар хэлээр ярьж ойлгож яваа юм болдоо…
    (0) (0)
    Хариулах
  2. зочин
     (202.179.24.***)
    2017/04/27 10:32

    Путин үг хэлж алан хядагчидтай хэрхэн тэмцэх талаар яриад л манай хүн ойлгож байгаа эсэх нь бүү мэд. Кремлийн өрөөний гоёл, таазны чимэглэлийг харсан шигээ сууж байна лээ. Худлаа гэвэл ОРТ-ын мэдээг нөхөж үзээрэй.
    (0) (0)
    Хариулах
  3. Zochin
     (103.212.11.***)
    2017/04/27 10:06

    Za odoo ene said Orosoos baahan hog guij,ikh munge zaraj, hogoo haash ny hiih gazraa olohgui baigaa Orosuudiig bayarluulah ny dee,naad orosuud chin bidnii meddeg orosuud ali ert bish bolson shuu gedgiig hatuu sanaarai, bukh yumiig biznesiin nudeer harna, Oros Hyatad niileed negch teevriin zamaa Mongoloor damjuulahgui baigaag haraj baigaa biz dee
    (0) (0)
    Хариулах