Оюутны спортын “Универсиад IV их наадам” Тяньжин хотноо амжилттай боллоо

Монгол Улсын Засгийн газрын 2016 оны 158 дугаар тогтоолыг үндэслэн, Монголын оюутны спортын Азийн бүсийн “Универсиад IV их наадам” 4 дүгээр сарын 28-29-ний өдрүүдэд БНХАУ-ын Тяньжин хотын Политехникийн их сургуулийн спорт цогцолборт амжилттай зохион байгуулагдлаа.

Энэ удаагийн наадмыг Монгол улсын БСШУСЯ, Биеийн тамир спортын газар, Монголын оюутны спортын холбоо, МУ-аас БНХАУ-д суугаа ЭСЯ, БНХАУ дахь МОХ хамтран зохион байгуулав.

Тэмцээний нээлтийн үйл ажиллагааг МУ-аас БНХАУ-д суугаа онц бөгөөд бүрэн эрхт Элчин сайд Д.Ганхуяг үг хэлж, морин хуурын хөг аялгуу заалны жаврыг үргээн, төрийн дуулал, үндэсний дуунууд эгшиглэн ёслол төгөлдөр болж өнгөрлөө .

БНХАУ-ын Бээжин, Шанхай, Тяньжин, Нанжин, Ухань, Хөххот, Тунляо, Ши Ан, Тайвань болон БНСУ-д суралцаж буй 200 гаруй оюутан сагсан бөмбөг, ширээний теннис, шатар гэсэн 3 төрлөөр хурд хүч, авхаалж самбаагаа сорьж дараах амжилтыг үзүүллээ.

Сагсан бөмбөг:

эрэгтэй-         1. Тайвань хот                     эмэгтэй-        1. Хөх хот

2. Шанхай хот 2. Бээжин хот
3. Хөх хот            3. Солонгос улс

Ширээний теннис:

эрэгтэй-         1. Б.Эгшиглэн /Бээжин хот/

2. Г.Амартүвшин /Солонгос улс/
3. Ж.Батсайхан /Тяньжин хот/

эмэгтэй-        1. Г.Индра /Бээжин хот/

2. Б.Уянга /Хөх хот/
3. Э.Очирсүрэн /Хөх хот/

Хос төрөл-    1. Б.Эгшиглэн, Г.Индра /Бээжин хот/

2. Г.Амартүвшин, Б.Гиймаа /Солонгос улс/
3. Б.Сансар, Б.Уянга /Хөх хот/

Шатар:

эрэгтэй-         1. Н.Баянмонгол /Нан Жин хот/

2. Н.Баярсайхан /Хөх хот/
3. Б.Лхагвасүрэн /Хөх хот/

эмэгтэй-        1. Б.Билэгжаргал /Ши Ан хот/

2. Б.Мандухай /Шанхай хот/
3. М.Уранцэцэг /Бээжин хот/

Багийн дүнгээр:  

1. Хөх хот
2. Бээжин хот
3. Шанхай хот, Солонгос улс

Тэмцээний шагналыг МУ-аас БНХАУ-д суугаа онц бөгөөд бүрэн эрхт элчин сайд Д.Ганхуяг, элчин зөвлөх Т.Батцэцэг, БНХАУ-ын Улс Төрөөр Зөвлөлдөх Зөвлөлийн гишүүн Пан Чи Лин нар гардуулав.

Тэмцээнд оролцсон нийт баг тамирчиддаа талархал илэрхийлж, цаашдын сурлага хөдөлмөрт нь амжилт хүсье!