Хэнтий аймгийн залуусын дунд “Алтан Цом-2017” спортын их наадам болно

МЗХ-ны дэргэдэх Улаанбаатар хот дахь Хэнтий аймгийн Залуучуудын Холбооноос “Нэг Хэнтий – Нэгдмэл Хүч уриан дор Хэнтий аймгийн залуучуудыг нэгтгэх, өөр хоорондоо танилцаж нөхөрлөх боломжийг бүрдүүлэх зорилгоор “Алтан цом” спортын 4-р их наадмыг зохион байгуулах гэж байна. Тэмцээний төрөл гар бөмбөг, сагсан бөмбөг, ширээний теннис, шатар, үндэсний бөхийн багийн барилдаан гэсэн таван төрлөөр явагдана.

Тэмцээн 2017 оны 5-р сарын 12-14-ны өдрүүдэд Их засаг их сургууль, Хүч спорт хороо, МУБИС-ийн А,Б спорт зааланд зохион байгуулагдана. Тэмцээнд 16-40 насны залуус оролцох бөгөөд сум бүрээс төрөл бүр дээр нэг баг оролцох юм.

Алтан цом 2017 спортын их наадмыг шатрын төрлийг Хэнтий аймгийн Биндэр сумын харьяат шатрын спортын их мастер МУГТ Т.Батчимэг, Хэнтий аймгийн гэр бүл, хүүхэд залуучуудын хөгжлийн газар дэмжин ажиллаж байна.