Дахиад “Аксент”машин шатав

Өнөөдөр өглөө 9 цагийн үед Халдвартын эмнэлгийн автобусны буудлын орчимд Солонгосын “Аксент” маркийн автомашин шатжээ.

Баянзүрх дүүргийн 14 дүгээр хороны нутаг Халдвартын эмнэлгийн автобусны буудлын орчимд автомашин шатаж байна гэсэн дуудлагаар гал сөнөөх 63 дугаар ангийн гал унтраах бүрэлдэхүүн яаралтай очиж унтраажээ.

Хэдийгээр галынхан удаж төдөлгүй ирсэн ч уг автомашины бүхээг, хөдөлгүүрийн хэсэг бүрэн шатсан байна. Галын улмаас хүний эрүүл мэнд амь насанд эрсдэл учраагүй гэж албаныхан мэдээлэв.

Галын шалтгаан нөхцөлийг тогтоохоор хэрэг бүртгэгчид ажиллаж байгаа аж. Хэдхэн хоногийн өмнө гудамжинд зогсч байсан “Приус” шатсан. Машин яагаад шатаад байна гэдгийг галынхан анхааралдаа авсан, шалгаж байгаа гэж албаны эх сурвалж онцлов.