Автобуснуудын бариулд залууст ухаан нэмэх үгс байршууллаа

МЗХ энэ онд “Залуусаа Нэмье” уриатай бүхий л үйл ажиллагаагаа зохион байгуулж байгаа билээ. Сар бүр залууст ухамсартай, зөв бодолтой, эерэг хандлагатай, нэгнээ гэсэн сэтгэлтэй, биендээ итгэх итгэлтэй, ухаантай байхыг уриалсаар байгаа юм. 5-р сард “Ухаан Нэмье” аяны хүрээнд өдөрт дунджаар 15000 гаруй хүн зорчдог нийтийн тээвэрт урмын үгс байршууллаа.

Автобуснуудын бариулд “Бусдыг хүндэлнэ гэдэг зарлагагүй хирнээ буцаад ашгаа өгдөг тариалангийн талбай”, “Ухаантай хүний үйлдэл нүднээс далд ч зөв байдаг”, “Хэлэх үгээ мэдэх нь мэдлэг юм, Хэзээ хэлэхээ мэдэх нь ухаан юм” “Ухаангүй үйлдэл гэж юу вэ”, “Тэвчээр хүнд ухаан хайрладаг”, “Ухаан хэдий сэргэлэн боловч уурлахаараа мунхаг болдог” зэрэг залууст нэгийг бодогдуулж, хоёрыг тунгаалгах урмын үгсийг байршуулсан.