Шалгалтын материал задруулсан багшийг ажлаас нь халжээ

ЕБС-ийн арванхоёрдугаар ангийн төгсөгчдийн математикийн хичээлийн шалгалтын материалыг хугацаанаас нь өмнө задруулж, олон нийтийн сүлжээнд тавьсан хэрэг гарсан. Тодруулбал, шалгалтын материалыг Чингэлтэй дүүргийн 49 дүгээр сургуулийн сургалтын менежер П.Өлзийхишиг задруулсан билээ. Тэгвэл мэргэжлийн ноцтой алдаа гаргасан сургалтын менежер П.Өлзийхишигийг ажлаас нь чөлөөлөх тушаалыг тус сургуулийн захирал гаргажээ. 12 дугаар анги төгсөгчид энэ сарын 25-нд буюу өчигдөр математикийн хичээлийн улсын шалгалтаа өгсөн билээ. Дээрх хэрэг гарсантай холбогдуулан өчигдөр явагдсан математикийн шалгалтыг хүчингүйд тооцож 2017 оны тавдугаар сарын 30-ны өдрийн 12.00 цагаас дахин авахаар болоод байгаа юм.