ФОТО: Боловсролын салбарын үйлчилгээг нэг дороос аваарай

“Боловсрол-2017” нээлттэй хаалганы өдөрлөгийг өнөөдөр  Сүхбаатарын талбайд БСШУСЯ, МИДСК (Монголын их дээд сургуулиудын консорциум)-тай хамтран зохион байгуулж байна.

Тус нээлттэй хаалганы өдөрлөгийн гол зорилго нь төрөөс боловсролын салбарт баримталж буй бодлогыг иргэд, олон нийтэд сурталчлах, таниулах, зөвлөх үйлчилгээ үзүүлэхэд оршиж байгаа ажээ.

Өнөөдрийн “Боловсрол-2017” нээлттэй хаалганы өдөрлөг дээд боловсролын салбараар эхэлж, маргааш  есөн цагаас 18 цагийн хооронд ЕБС, СӨБ-ын байгууллагууд талаар иргэдэд мэдээлэл, зөвөлгөө өгөх юм.

Та нээлттэй хаалганы өдөрлөгийн үеэр: 

• БСШУСЯ-аас Боловсролын салбарт хэрэгжүүлж буй бодлого, мэдээ мэдээлэл
• Монголын их, дээд сургуулиудын сургалтын хөтөлбөр
• ЕБС, СӨБ-ын талаарх дэлгэрэнгүй мэдээлэл
• ЭЕШ-ын талаарх мэдээлэл
• Боловсролын зээлийн сангийн талаарх дэлгэрэнгүй мэдээлэл
• 1000 инженер төсөлийн талаарх дэлгэрэнгүй мэдээлэл гэх мэт олон мэдээллийг нэг дороос авах боломжтой юм.