Нийгмийн аюулгүй байдал, хүн зоны амгалан тайвныг ханган ажилладаг цагдаагийнханд цаг нар гэж үгүй. Хэдийгээр ээлж дараа, цагийн хуваарьтай ч бэлэн байдал зарлахад тэд л юуны өмнө зогсож байдгийг бид мэднэ. Нөгөө талаар гал ус гээд гамшгийн шинжтэй үзэгдэл болоход юу юуны өмнө тэд л өргөсөн тангарагтаа үнэнч зогсдог. Нийгмийн хангамж тааруу, цалин бага ч тэд өөрсдийнхөө өргөсөн тангарагт үнэнч явдаг гэдгийг олон зүйлээс харж болно. Гал түймэр дундаас хүний амь аварлаа л гэнэ, амиа хорлох оролдлогоос сэргийлсэн арга хэмжээ авлаа л гэнэ. Энэ бүгдийн цаана цагдаа л байдаг. Харин тэдэнд хүний алтан амь аварсан гэж хэн хэзээ хаанаас баяр хүргэж урамшуулж байсан юм бэ гэдэг ихээхэн учир дутагдалтай.
Тэгвэл өнгөрөгч 2016 оны есдүгээр сарын 5-ны өдөр Цагдаагийн Ерөнхий газрын харъяа Олон нийт аюулгүй байдал хангах гуравдугаар газрын ахмад Б.Гансүх тэргүүтэй цагдаагийн дөрвөн алба хаагч Цонжин болдогийн орчим, Туул голд машинтайгаа живж байсан зургаан хүний алтан амь аварчээ. Амь тавихдаа тулсан зургаагийн зургаан хүний амь аварна гэдэг хэн хүний хийх ажил биш. Ийнхүү Монгол Улсын иргэн зургаан хүний амь аварсан ахмад Б.Гансүх тэргүүтэй зургаан алба хаагчаа Цагдаагийн ерөнхий газар болон бусад холбогдох газар огт тоосонгүй. Энэ амь аврагдсан азтай зургаан хүний дунд УИХ-ын гишүүн О.Баасанхүүгийн бие төлөөлөгч гэх залуу явсан аж.
Гэтэл өнгөрөгч пүрэв гаригт буюу зургадугаар сарын 8-ны өдөр Туул голын орчимд өндөржүүлсэн бэлэн байдалд эргүүл хийж явсан Б.Гансүх эмэгтэй хүн орилох чимээнээр явж очиход голд нэгэн эмэгтэй живж байсныг аварчээ. Ахмад Б.Гансүх, жолооч дэд ахлагч Д.Буянтын хамт явж байсан бөгөөд нэгэн эмэгтэйг амиа алдахаас самбаачилан аварч чадсан байна. Ийнхүү дахин дахин эрдэнэт хүний амь аварсан цагдаагийнхаа алба хаагчийг тоодоггүй байгууллага байгаад хэн хүнгүй гайхаж байна.
Өргөсөн тангарагтай цагдаа хүний үүрэг бол эрсдэл байж таарна. Тиймдээ ч тэд гал усан дунд явж, нийгмийн аюулгүй байдлыг ханган ажилладаг. Гэтэл нийгмийн халамж, амьдрал ахуй, цалин цавагт нь нэмэр болдоггүй юм гэхэд тангаргаа нэр төртэй биелүүлж хүний алтан амь аварч байгааг нь үнэлж болмоор санагдана.
А.Баатар
Шуурхай.мн
32-ын тойрог орчимд ахуйн үйлчилгээний шинэ төв байгуулах ажлын явц 40 хувьтай байна 
Түүхт 100 жилийнхээ ойтой золгож буй Увс аймгийг Сүхбаатарын одонгоор шагналаа 
Дуучин С.Жавхланд Ардын жүжигчин, Дархан аварга Н.Батсуурьд Гавьяат тамирчин цол хүртээлээ 
УИХ-ын дарга Д.Амарбаясгалан Швейцарын Холбооны Улсын Женев хотноо Парламентын дарга нарын дэлхийн 6-р бага хуралд оролцоно 
Аюулт үзэгдэл, ослын 85 удаагийн дуудлагаар 31 иргэний амь насыг авран хамгаалжээ 
Төрийн өмчийн ЕБС-ийн элсэлтийн цахим бүртгэл наймдугаар сарын 12-нд эхэлнэ 
Нийслэлийн 2025-2026 оны өвөлжилтийн бэлтгэл ажил 53.7 хувьтай үргэлжилж байна 
Монгол Улсын Ерөнхийлөгч “Алт-3” аяныг хэрэгжүүлэх УИХ-ын тогтоолд хэсэгчилсэн хориг тавилаа 
Өнөөдөр шар нохой өдөр 
Улаанбаатарт өдөртөө +24 градус дулаан 
Монгол Улсын Ерөнхийлөгч У.Хүрэлсүхийн Бүгд Найрамдах Тажикистан Улсад хийсэн төрийн айлчлал өндөрлөлөө 
Монгол Улсын Ерөнхийлөгч У.Хүрэлсүх Рогуны усан цахилгаан станцын бүтээн байгуулалттай танилцав 
Монгол Улсын Ерөнхийлөгч У.Хүрэлсүх, Бүгд Найрамдах Тажикистан Улсын Ерөнхийлөгч Эмомали Рахмон нар албан ёсны хэлэлцээ хийлээ 
Газарчны уулзвараас “Цайз 16”-ийн уулзвар хүртэлх авто замыг хааж, шинэчилнэ 
Монгол Улсын Ерөнхийлөгчийн Бүгд Найрамдах Тажикистан Улсад хийх төрийн айлчлал эхэллээ 
Намьянжугийн гудамжнаас Халдвартын эцэс хүртэлх замыг хааж, шинэчилнэ 
Монгол Улсын Ерөнхийлөгч У.Хүрэлсүхийн Киргиз Улсад хийсэн төрийн айлчлал өндөрлөлөө 
Өнөөдөр хөх морь өдөр 
Улирлын буюу ирэх саруудын цаг агаарын ерөнхий төлөв 
Монгол, Киргизийн бизнес форум боллоо 
Ерөнхийлөгч У.Хүрэлсүхэд Киргизийн Сайд нарын танхимын дарга бөгөөд Ерөнхийлөгчийн Тамгын газрын дарга бараалхлаа 
Өнөөдөр харагчин могой өдөр 
