Улсын Их Хурлын ээлжит бус чуулган эхэллээ

Монгол Улсын Их Хурлын дарга М.Энхболд өчигдөр “УИХ-ын ээлжит бус чуулган товлон зарлах тухай”, “Ажлын хэсэг байгуулах тухай” хоёр захирамж гаргасан билээ. Чуулганы хуралдаанаар уг захирамжийн дагуу Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хуулийн төсөл, “Монгол Улсын Ерөнхийлөгчийн тангараг өргөх тов тогтоох тухай” УИХ-ын тогтоолын төслийг хэлэлцэхээр тогтсон.

Уг асуудлыг хэлэлцүүлэхээр Төрийн байгуулалтын байнгын хороонд шилжүүлснээр ээлжит бус чуулганы хуралдаан түр завсарлав. Одоо Төрийн байгуулалтын байнгын хороо хуралдаж байна гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.