Ерөнхийлөгч Х.Баттулга АТГ-ын удирдлагуудыг хүлээн авч уулзаж, “60 тэрбумын” асуудлыг шалгах явцад нухацтай хандахыг анхаарууллаа

2017 оны 07-р сарын 24 өдөр, 10 цаг 56 минутад нийтэлсэн (Сэтгэгдэл үлдээх )
battulga2

Монгол Улсын Ерөнхийлөгч Х.Баттулга өнөөдөр Авлигатай тэмцэх газрын дарга тэргүүн комиссар Х.Энхжаргал, дэд дарга эрхэлсэн комиссар Ц.Нямдорж нарыг хүлээн авч уулзаж, сүүлийн жил гаруй хугацаанд олон нийтийн анхаарлыг татаад байгаа “60 тэрбумын” асуудлыг шалгах явц удаашралтай байгааг шүүмжилж, Монгол Улсын төрийн албан тушаалыг наймаалах сэдэв бүхий асуудлаар ярилцсан уг баримтад нухацтай хандахыг онцлон сануулав. Монгол Улсын Ерөнхийлөгч Х.Баттулга Ерөнхийлөгчийн сонгуульд нэр дэвшиж байх үедээ өнгөрсөн зургадугаар сарын 5-нд уг асуудлыг шалгуулахаар АТГ-т хандсан албан бичгийг өөрийн биеэр хүргэж байсан юм. Өнөөдрийг хүртэл уг албан бичигт ямар нэгэн хариу өгөөгүй байгааг Монгол Улсын Ерөнхийлөгч уулзалтын үеэр анхааруулж асуулаа.

Нийслэлийн ИТХ-ын дарга Ц.Сандуй уг 90 минутын бичлэгийн турш илтгэл тавьж, мэдээлэл хийж байсан  бөгөөд гэтэл 2016 оны УИХ, орон нутгийн сонгууль дуусмагц төрийн өндөр албан тушаалд шууд очсоныг АТГ яагаад шалгахгүй байгаа талаар Монгол Улсын Ерөнхийлөгч Х.Баттулга тодруулан асууж байлаа.

Уулзалтын үеэр АТГ-ын удирдлагууд 60 тэрбум төгрөгөөр Монгол Улсын төрийн албан тушаалыг арилжих, санал тоолох машиныг хакердах зэрэг маш ноцтой асуудлаар ярилцсан 90 минутын бичлэгийг олон нийтэд ил болгосон хамгийн гол гэрч болох Г.Доржзодовыг нэг ч удаа байцаагаагүй гэдгээ хэллээ.

Энэ асуудлаар нэн даруй хариу өгөхийг Монгол Улсын Ерөнхийлөгч Х.Баттулга АТГ-ын удирдлагаас шаардлаа.

Share the post "Ерөнхийлөгч Х.Баттулга АТГ-ын удирдлагуудыг хүлээн авч уулзаж, “60 тэрбумын” асуудлыг шалгах явцад нухацтай хандахыг анхаарууллаа"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 3 сэтгэгдэлтэй
  1. Иргэн
     (202.9.42.2.***)
    2017/07/24 21:41

    НААД НӨХДИИГӨӨ ХАЛ СОЛЬ .БИЧЛЭГТ ДАЛДАГАНААД ЯВЖ БАЙСАН НӨХӨР БАЙНА СОЛЬ ПРОКУРОР ШҮҮХИИГ ШИНЭЧИЛ ЯРЬЖ БАЙГАА ГИИН НЬ ХАР
    (0) (0)
    Хариулах
  2. иргэн
     (202.179.27.***)
    2017/07/24 20:18

    Eрөнхийлөгч өө, Наад нөхдүүд чинь өөртөй нэг баг болж ажиллах Улс биш байнаа, Юуны өмнө Прокурор, Тагнуул, Цагдаа, АТГ-ын Удирдлагуудыг сольж өөрийн хүнээ тавьж багаа бүрдүүлж ажиллахгүй юм бол Ард иргэддээ амалсан амлалтаа биeлүүлэхэд чинь Худлаа болноо, Саглагар модонд шувуу их цуглардаг, Сайн эзэнд ухаант хүмүүс үйлчилдэг гэгчээр Та томилгоон доо маш хянуур сайн бодож тунгааж хийх хэрэгтэй, Тэгэхгүй бол саяны Сонгуулиар МАН дотроосоо Эзнийхээ эсрэг яаж ажиллаж хүн чанараа гээцгээж байсныг харсан биз дээ, Энийг л маш сайн Анхаарч ажиллах хэрэгтэй,
    (0) (0)
    Хариулах
  3. Anonymous
     (103.10.22..***)
    2017/07/24 17:35

    Өдий болтол энэ хэргийг илрүүлэх талаар юу ч хийгээгүй байж байдаг. Хэрэв сонгуульд Энхболд ялсан бол энэ асуудал тэгээд дарагдаад өнгөрнөдөө. Ийм ноцтой юм бүтэн жил яригдаж байхад юу ч хийгээгүй байж байдаг. Манай хууль хяналтын үнэн мөнийг тогтоож байх ёстой, үүнийхээ төлөө цалин хангамж эдэлж байгаа нөхөд нэг иймэрхүү л ажиллаж байнадаа. Манайхаан…
    (0) (0)
    Хариулах