Бөөрний чулуугүй болохын тулд

Муу боловсруулсан, чанар муутай хоол хүнс хэрэглэснээс, их айж цочсоноос бөөрөнд чулуу үүснэ.

Хусны навчийг ашиглан чулууг хөөж болдог аж. Хавар эрт хус гөлөглөхөд нялх навч цухуйна. Эхлээд навч нь наалдамхай байна. Гэвч томрохын хэрээр наалдамхай чанар нь алдагдана. Тэр үед навчнуудыг түүж аваад, гуравхан хоногт амжиж хэрэглэхгүй бол навчны анагаах нөлөө багасана.

Навчаа цаасан дээр дэлгэж суудэрт хатаана. Нарны гэрэл тусчихвал навчны биолигийн идэвхт бодисууд алга болно шүү. Хатаасан навчаа даавуун уутанд хадгална.

Хэрэглэх арга: Нэг халбага хатаасан навчийг нэг стакан буцалгасан цэвэр усанд хийж, халуун саванд 20-30 минут хандална. Хандаа цай шиг өдөрт гурваас дөрвөн удаа ууж болохоос гадна өлөн элгэн дээрээ уудаг.Хэрвээ нэг халбага зөгийн бал нэмж, халуун бүлээнээр нь уувал эмчилгээний чанар нь улам сайжирна. Дараагийн өдөр нь уух хандаа шинээр бэлдэнэ. Элстэй шээх хүртлээ ингэж ууна (элс гэдэг бол бөөрний чулуу хайлж байгаагийн шинж юм) гэхдээ сараас илүү хугацаагаар ууж болохгүй учир нь бие махбодь дасчихдаг.

Сар уусны дараа хоёроос гурван сар завсарлаж, курс эмчилгээг дахин давтана.