23 төрийн албан хаагч оффшор бүсэд данс эзэмшдэг нь тогтоогдлоо

Монгол Улсын төрийн албанд ажиллаж байсан болон ажиллаж байгаа нэр бүхий 23 иргэн оффшор бүсэд данс эзэмшдэг болох нь тогтоогдлоо.

Эрүүгийн хуулийн тусгай ангийн 22.10 дугаар зүйлийн 2 дахь хэсгээр хэрэг нээн шалгаж эхэлжээ. Угтаа ХАСХОМ-ын мэдүүлэгтээ оффшор бүс дэх дансны талаарх мэдээллээ тусгаж мэдүүлээгүй, өөрийн хөрөнгө, орлого их хэмжээгээр нэмэгдсэнийг хууль ёсны болохыг тайлбарлаж чадаагүйн улмаас хэргийг нээхэд хүргэжээ.

Улсын Ерөнхий прокурорын газраас дээрх хэргийг хэд хэдэн байгууллагуудаар мөрдөн шалгах шаардлагатай гэж үзсэн. Авлигатай тэмцэх газрын Мөрдөн шалгах хэлтэс, Цагдаагийн Ерөнхий газрын Эрүүгийн цагдаагийн албаны мөрдөгчийн хамтарсан ажлын хэсэг томилсон тогтоол гаргаж, хэрэгт мөрдөн шалгах ажиллагааг хамтран явуулахыг даалгасан байна.