УИХ-ын гишүүн Н.Оюундарь Буриадын шагнал хүртлээ

Буриадаас Монгол Улсад суугаа төлөөлөгчийн газраас өнөөдөр УИХ-ын гишүүн Н.Оюундарийг мөнгөн тэмдгээр шагналаа. Тэрээр, Өмнө нь Монгол Улсаас УИХ-ын гишүүн Г.Энх-Амгаланд энэхүү Засгийн газрын хүндэт тэмдгийг гардуулан өгч байсан гэсэн. Энэ тэмдэг нь зэс, мөнгө, алтан гэсэн хувилбартай юм байна. Би Буриад Монголын парламентын бүлгийн даргаар ажилладаг. Өнгөрсөн хугацаанд Буриад Монголын хоёр талын харилцааг хөгжүүлэхэд их хувь нэмэр оруулсан хэмээн Засгийн газрын нэр хүндтэй шагнал болох мөнгөн тэмдгээр ажлыг маань мялааж байгаа юм байна. Буриад Монголын харилцааг улам өргөжүүлэн сайн ажиллаарай хэмээн бидний зүтгэлийг урамшуулж байгаа гэж ойлголоо.  Монгол Улс парламентын хувьд бусад улсын парламентын найрамдлын бүлгүүдтэй найрсаг харилцаатай. Буриадын хөрөнгө оруулалтыг улс руугтаа татах тал дээр бид эртнээс уулзаж олон асуудлыг нааштайгаар шийдэж эхэлсэн. Гадны хөрөнгө оруулагчдыг Монгол Улсад үйл ажиллагаа явуулахад нь бүх талаар дэмжих, сонирхлыг нь судлах, ажиллах таатай нөхцлөөр хангах зэргээр бид чадах бүхнээрээ хамтран ажиллаж байна. Өнгөрсөн хугацаанд 40 гаруй оюутан залуусыг Буриад руу аялуулсан. Хоёр улсын аялал жуулчлал нэлээн хөгжих талдаа байгаа. Хоёр талын хамтын ажиллагааны хүрээнд “Абсалют” хэмээх худалдааны сүлжээ дэлгүүр Монголд нээгдлээ. Чанартай барааг манай иргэд худалдаж авах боломж нээгдэж байна гэсэн үг. Энэ хэрээр бидний хамтын ажиллагаа дэлгэрч, хөрөнгө оруулалтыг улс руугаа их, бага хэмжээгээр татсан болов уу. Хөрөнгө, мөнгө гэхээс илүүтэй манай хоёр орны иргэд, байгууллагуудын хамтын ажиллагаа, найрсаг харилцаа чухал юм” гэж ярилаа.