“Алтан цомог”-той Т.Баясгалан гавьяат минь тайзан дээрээ гараад ирээч

Монгол Улсын гавьяат жүжигчин Т.Баясгалан “Алтан цомог” гаргаж, шүтэн бишрэгчдийнхээ магнайг тэнийлгэв. Сүүлийн үед тайзан дээр дуулахгүй байна,хэзээ гарч ирэх бол хэмээн байнга сураг тавин хүлээж байдаг шүтэн бишрэгчид нь сая нэг санаагаа амраах шиг болов. Т.Баясгалангийн уянгалаг цээлхэн хоолой дахин давтагдашгүй. Түүний дуулсан дууг хэн ч дууллаа гэхэд яг түүнтэй адил байх нь ховор. Тийм болохоор л фэнүүд нь Баясаагаа санагалздаг байх. Удахгүй “Алтан цомог”-ийнхоо баярыг хийж,тайзан дээрээ гарч ирээд хүсэн хүлээсэн үзэгчдээ баярлуулна гэдэгт найдаж байна. С.Жавхлантайгаа дуулбал бүр гоё доо. Гэвч УИХ-д сууж байгаа төрийн түшээ хамтрагчийнх нь зав чөлөө хаашаа байдаг юм бол доо. Баясгалан минь,тайзан дээрээ нүүр дүүрэн инээмсэглэсээр гарч ирээд дуулаарай.