АНУ-ын Нью-Йорк хотод болж байгаа НҮБ-ын чуулганы хуралдаанд Азербайджаны ерөнхийлөгч Ильхам Алиев гэр бүлээрээ иржээ. Түүнийг хуралдааны танхимд эхнэр, охиноо дагуулан орж ирэхэд төлөөлөгчдийн нүд орой дээрээ гарах дөхөж алмайран гайхширсан гэнэ. Алиевийн эхнэр Мехрибан нь Азербайджаны тэргүүн хатагтай төдийгүй тус улсын Тэргүүн шадар сайдаар ажилладаг аж. Харин түүний охин Лейла нь өвөө Гейдар Алиевийн сангийн дэд ерөнхийлөгч юм. Улсынхаа төрийн ба төрийн бус олон байгууллагыг тэргүүлдэг Лейла авъяаслаг яруу найрагч,нийгмийн зүтгэлтэн гэнэ. Соёл урлагийн салбарт нэр хүндтэй нэгэн. Түүний шүлгүүд Азербайджаны дунд сургуулийн сурах бичигт байнга хэвлэгддэг. Энэ удаагийн НҮБ-ын чуулганы танхимд эхнэр, охиноороо гоёж ирсэн Ильхам Алиев тус байгууллагын түүхэнд гэр бүлээрээ хуралдаанд ирсэн анхны төрийн тэргүүнээр тодорлоо. Хөгжил дорой улсын ерөнхийлөгч нэр хүндээ өсгөх гэж ийм алхам хийв үү гэж улс төр судлаачид хошигножээ.