Өнөөдөр харагчин үхэр өдөр

-Аргын тооллын 9 сарын 23. Бямба (Санчир) гараг /2017/
-Билгийн тооллын шинийн 3, харагчин үхэр, салхины эх-14 од, уул суудал, 6 цагаан мэнгэ, үл тохирохын барилдлагатай өдөр. Намрын хугас-05:28.
-Өдрийн нар ургах/шингэх цаг: 06:40-18:48.
-Өдрийн сайн цаг: Бар(03:40-05:40), туулай(05:40-07:40), могой(09:40-11:40), бич(15:40-17:40), нохой(19:40-21:40), гахай(21:40-23:40) болой.
-Хол газар явагсад баруун хойд зүгт мөрөө гаргавал зохистой.
-Үс засуулахад баясгалан, эд, мал баялаг төгөлдөр болно.
-Могой, тахиа, үхэр жилтэн аливаа үйлийг хийхэд эерэг сайн. Харин хонь, гахай, хулгана жилтэн сөрөг муу.
-Замд гарах, гэр бүрэх, насны буян бүтээх, эд мал авах, худаг гаргах, мод суулгах, хот байшин барих, мал зарах, худалдаа хийх, хот суурин, байшин барилгын суурь тавих, хулгай, дээрэм дарах, дайсныг номхтгох үйлд сайн. Амраг садан бололцох, багш шавь барилдах, өндөр суудалд сууж эхлэх, туг дарцаг хийсгэх, урлан бүтээх, дархлах, эрдэм ухаанд суралцах, цэрэг хөдөлгөх, шинэ малгай, хувцас өмсөх, худаг малтахад муу. Газрын гараг дэлгэрдэгч эд бүү гарга.

Зурхайч Д.Цогтбаатар