Галын аюулаас дайжсан 20 мянган хүн орон гэрээ орхижээ

2017 оны 10-р сарын 10 өдөр, 16 цаг 19 минутад нийтэлсэн (Сэтгэгдэл үлдээх )
RIAN_03149283.HR.ru-pic685-685x390-9361

АНУ-ын Калифорни муж улсад хоёр хоногийн өмнө гарсан ойн түймэр маш их хохирол учруулж байна гэж тус мужийн засаг захиргаа мэдээлж байна. St. Joseph Health  эмнэлгийн эмч,ажилтнууд түймэрт өртөж шархадсан хүмүүсээс 12 хүний биеийн байдал тааруухан байгааг дуулгалаа. Түймрийн улмаас 10 хүн амиа алдсан харамсалтай мэдээг мөн уламжлав. Калифорни  мужид ойн түймэр гарах нь элбэг. Энэ удаагийн галын аюул 1500 орчим байшин барилгыг үнсэн товрог болгосон байна. Галаас зугтсан Напа, Сонама, Юба хошууны 20 мянга орчим оршин суугч орон гэрээ орхин дайжихаас аргагүйд хүрчээ. Цагийн байдал хүндэрч,байдал дордож байгаа тул Калифорнийн захирагч өчигдөр онц байдал зарлаж,иргэдийг нүүлгэн шилжүүлж эхэлсэн байна.

Гал түймэр юунаас болж гарсныг одоохондоо тогтоох боломжгүй байгаа аж. Одоо Калифорнид цаг агаарын хэт халалт болж байгаа тул   түймэр газар авахаас урьдчилан сэргийлэхэд гол анхаарал тавьж  байна гэж галынхан онцлов. Салхи хүчтэй шуурч байгаа нь галыг улам хөөрөгдөх аюултай байна гэж гал сөнөөгчид  мэдэгджээ.

Өнгөрсөн сард ч бас тус мужийн Лос-Анжелес хот орчимд  түүхэн дэх хамгийн том түймэр дэгдэж, асар их  хэмжээний хохирол учруулсныг албаны хүмүүс дурджээ. Энэ удаагийн түймрийн утаанд хордсон хүмүүст эмнэлгийн яаралтай тусламж үзүүлж байгаа бөгөөд одоогоор 100 гаруй хүний хордлогыг тайлах эмчилгээ хийж байна. Ор сураггүй алга болсон байж болзошгүй гэх 100 гаруй хүнийг эрэн сурвалжилж байгааг Калифорни мужийн захиргаа мэдэгдэв.

Н.Дөл

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх