Автобусаар зорчигчдын долоо хоногт гаргасан зөрчил мөнгөн дүнгээр 26 сая төгрөгт хүрчээ

Нийтийн тээврээр зорчиж буй иргэдийн хөлс төлөлтөд хяналт тавих эрхтэй автобусны шалгагч нар 10-р сарын 20-26-ны хооронд 20 Автобус компанийн 63 чиглэлд шалгалт хийжээ.

Уг шалгалтаар 67,413 зорчигч зөрчил гаргасан байна. Эдгээр зөрчлийг нарийвчилбал:

– Өндөр настны карт ашигласан 1,321

– Хөгжлийн бэрхшээлтэй зорчигчийн карт ашигласан 1,179

– Оюутаны карт ашигласан 993

– Хүүхдийн карт ашигласан 10,368

– Мөнгөөр үйлчлүүлсэн 16,169

– Хөлс төлөөгүй 27,312

– Үлдэгдэл хүрэлцэхгүй 10,071 тооны гэх мэт нийт 67,413 зөрчил тус тус илэрсэн байна.

Харин нэгж тус бүрийг 500₮-өөр тооцож бодвол:

– Мөнгөөр үйлчлүүлсэн 16,169 зөрчилд 8 сая 84 мянга 500 төгрөг /8,084,500₮/

– Хөлс төлөөгүй 27,312 зөрчилд 13 сая 656 мянган төгрөг /13,656,000₮/

– Үлдэгдэл хүрэлцэхгүй 10,071 зөрчилд 5 сая 35 мянга 500 төгрөг /5,035,500₮/

Эдгээр зөрчлөөс 26 сая гаруй төгрөг улсын төсөвт орох боломжтой байсныг албаны хүн мэдээллэв. Иймд иргэд та бүхэн нийтийн тээврээр үйлчлүүлэхдээ зохих журмын дагуу хөлсөө төлөн үйлчлүүлэх хэрэгтэйг сануулж байна.

Х.Нэргүй