Түрээсийн орон сууцыг хөгжүүлэх төслийг хэрэгжүүлэхээр болов

2017 оны 11-р сарын 14 өдөр, 16 цаг 07 минутад нийтэлсэн (Сэтгэгдэл үлдээх )
23550847_10214753339413992_6396310989858513046_o

Өнөөдөр НИТХ-ын тэргүүлэгчдийн хурлаар Түрээсийн орон сууцыг хөгжүүлэх төсөл хэрэгжүүлэх тухай хэлэлцэж дэмжих тогтоол гаргалаа.
Түрээсийн орон сууцны асуудал бол нийгэмд хүлээлт үүсгээд байгаа асуулуудын нэг. Тиймээс энэ асуудлын төслийг НИТХ-ын тэргүүлэгчдийн хурлаар хэлэлцэж Сонгинохайрхан дүүргийн 6-р хорооны нутаг дэвсгэр, Ханын материал орчимд “Түрээсийн орон сууцыг хөгжүүлэх төсөл”-ийг хэрэгжүүлж нийслэлийн иргэдийг орон сууцаар хангах талаар холбогдох арга хэмжээ авч ажиллахыг Нийслэлийн засаг даргат даалгав.
Нийт таван байршилд төсөл хэрэгжинэ. Ханын материалд баригдах орон сууц нь 1002 айлынх байх бөгөөд айл тус бүр 33-75 мкв хэмжээтэй байх юм. Иргэд сард 300-350 мянган төгрөг төлөөд 15 жилийн дараа өөрийн болгох эсвэл эпотекийн зээлэнд хамрагдаж байраа авах боломжтой гэлээ. Сар бүр төлөх түрээсийн үнэнд банкны хүү мөн багтсан байна. НИТХ-ын тэргүүлэгчдийн хурлаар энэ асуудал дэмжигдснээр төслийн ажил шууд эхлэх боломж бүрдлээ. Газар шорооны ажил хавар эхэлж ирэх жилийн өдийд гэхэд байр ашиглалтад орох юм байна.
Зах зээл дээр 40-50 мянга гаруй байр борлогдохгүй байна гэсэн тоо байгаа боловч энэ нь бодит тоо биш хамгийн сүүлийн судалгаагаар нийт 16 мянга орчим байр байна. Эдгээр нь өндөр өртөг бүхий том мкв-тай орон сууцууд байна гэж НОСК мэдэгдэв. Тиймээс аль болох иргэдийн орлогод нийцсэн эко орон сууц, түрээсийн орон сууц төслийг хэрэгжүүлэх нь зүйтэй гэж үзлээ.
Энэхүү хөтөлбөрт хамрагдах хүсэлтэй иргэдэд таивигдах шалгуур шаардлагууд нь түрээсийн орон сууцны журам, орон сууцны дэд хөтөлбөрт нарийн тусгагдах болно гэж НИТХ-ын хэвлэлийн төлөөлөгч мэдээллээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх