50 сая төгрөг амлаад ч бяцхан охиныг олоход туслах мэргэн,түргэн хүн Монголд алга

Дорноговь аймгийн Замын-Үүд суманд хичээлдээ явахаар  гараад алга болсон Д.Сэржмядаг охиныг хичнээн ч хоног эрэл сурал болов доо. Харамсалтай нь,ямар ч сураг гарсангүй. Хөөрхий бяцхан охин яажшүүхэн явдаг юм бол доо,бурхан өршөө. Монголын бөө удган,үзмэрч зурхайч,лам хувраг гээд далд ертөнцийн нууцад нэвтрэгчид ч мэргэ нь төөрөх шиг болов. Эрэл Замын-Үүдээс хальж,Хятадын нутагт ч үргэлжилсэн боловч сураг гарсангүй. Охины ээж.аав байтугай зүйрлэх үртэй,зөөлөн сэтгэлтэй хүн бүрийн  сэтгэлд “олдож магадгүй” гэсэн битүүхэн  горьдлого төрүүлэн хүлээлгэсээр  байна. Тэдний зовлон багадсан юм шиг зарим нэг хүмүүс “Охин олдсон” гэх мэтчилэн цуу тарааж,зовлон шаналалд  сэмэрсэн сэтгэлийг нь урахыг яана. Хэдэн бөө цугларч гал асааж мэргэ тавьсан боловч бас л хайх эрэх зүг чиг гаргаж барсангүй. Зөн билгийн тулаанд ороод байдаг Монголын хамгийн мэргэн түргэн гэх хүмүүст ч хэлэх үг алга бололтой. Дорноговиос УИХ-д сонгогдсон эрхэм гишүүн хувиасаа 50 сая төгрөг амлаж,охины талаар чимээ сураг гаргаж өгөх болов уу хэмээн олонд сонордуулсан боловч бас л таг чиг. Хэрэв үнэхээр далдыг хардаг зөн билэгтэн байдаг бол бяцхан охинд юу тохиолдсоныг үнэнээр хэлчихвэл санаа амрахсан.   50 сая төгрөг амлаад байхад ганц үг ганхийхгүй зөн билэгтнүүд Монголд байдаг гэхээр гомдмоор ч юм шиг. Эрэл мухардаад байгаа энэ цагт хүмүүс онцгойгийн аврагч нараас илүү мэргэн түргэн хүмүүс юу гэх бол гээд чих тавьж байна даа.

Н.Дөл