Өнөөдөр улаан луу өдөр

-Аргын тооллын 11 сарын 25. Бямба (Санчир) гараг /2017/
-Билгийн тооллын шинийн 7, улаан луу, тооно-22 од, ус суудал, 6 цагаан мэнгэ, идэрийн барилдлагатай өдөр.
-Өдрийн нар ургах/шингэх цаг: 08:12-17:05.
-Өдрийн сайн цаг: Бар(03:40-05:40), луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40) болой.
-Хол газар явагсад зүүн зүгт мөрөө гаргавал зохистой.
-Хүүхдийн сэвлэг үргээхэд маш сайн. Гэвч нохой, гахай, хулгана, үхэр жилтнээ цээртэй.
-Бич, луу, үхэр жилтэн аливаа үйлийг хийхэд эерэг сайн. Харин нохой, гахай, хулгана жилтэн сөрөг муу.
-Газар усны үйл, үхэгсдийн үйл, насны буян бүтээх, эд мал авах, хот байшин барих, ном айлтгаж заалгах, дээдэст бараалхах, буяны үйл, зэтгэрийг номхтгох, шүтээн босгох, эм найруулах, тооцоо хийх, мэргэ төлгө тавих, баясгалангийн хурим, худаг гаргах, мод суулгах, шинээр хувцас өмсөх, чимэг зүүх, бүжиг наадам үйлдэхэд сайн. Цэрэгт мордох, онгоц, сал, модон тээрэм урлах, гүүр барих, хануур төөнүүр хийлгэх, газар малтах, оёх шидэх, эсгэх, бэрийн үйл, анд нөхөр бололцоход муу. Газрын гараг дэлгэрдэгч эд бүү гарга.
Зурхайч лам Д. Цогтбаатар