Маргааш “ДОХ”-той тэмцэх дэлхийн өдөр

Дэлхий нийтээрээ жил бүрийн 12 дугаар сарын 01-ний өдрийг “ДОХ”-ын эсрэг тэмцэх өдөр болгосон.
Бүрэн эмчлэх арга нь олдоогүй байгаа энэ аюулт өвчинтэй дэлхий нийтээрээ тэмцэж байгаа ч тархалт нь буурахгүй байгаа мэдээлэл бий. Манай улсад л гэхэд хамгийн сүүлийн үеийн мэдээллээр 249 тохиолдол бүртгэгджээ.
Иймд өнөөдөр Сүхбаатар дүүргийн Засаг даргын Тамгын газар, Эрүүл мэндийн төв, дүүргийн Улаан загалмайн хороо хамтран албан хаагчдад зориулан мэдээлэл хийлээ.
Энэ жил “Би сэргийлж чадна, харин та” гэсэн уриан дор энэ өвчний эсрэг үйл ажиллагааг зохион байгуулж байна.
ХДХВ нь яс үндэс, шашин шүтлэг, нас хүйс, ажил мэргэжил, боловсрол, бэлгийн болон хүйсийн чиг баримжаанаас үл хамааран халдварладаг бөгөөд өртөх эрсдэл нь хувь хүний зан үйлээс хамаардаг байна.