Японд зодоон хийсэн Монгол залуусыг саатуулжээ

2017 оны 12-р сарын 05 өдөр, 11 цаг 28 минутад нийтэлсэн (Сэтгэгдэл үлдээх )
konsul

Олон нийтийн хэвлэл, мэдээллийн хэрэгслээр Япон улсад монгол иргэд хоорондоо зодолдсон гэх мэдээллийг Гадаад харилцааны яамны Консулын газар Монгол Улсаас Япон Улсад суугаа ЭСЯ-аар дамжуулан албан ёсоор тодрууллаа.

Токио хотын Кита дүүргийн Акабанэгийн Цагдаагийн газрын мэдэгдсэнээр өнгөрөгч Бямба гараг буюу 12 дугаар сарын 2-ны өдрийн 19:20 цагийн үед Токио хотын Акабанэ галт тэрэгний буудалд монгол иргэд танхайрч, хоорондоо зодолдсон хэрэг гарсан бөгөөд энэ хэрэгтэй холбогдуулан хүний биед санаатайгаар гэмтэл учруулсан үндэслэлээр Монгол Улсын 2 иргэнийг саатуулаад байгааг мэдэгдэв.

Хувь хүний нууцыг хамгаалах үүднээс саатуулагдсан иргэдийн талаар дэлгэрэнгүй мэдээлэл өгөх боломжгүй болно гэж Гадаад харилцааны яамны Консулын газраас мэдээллээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх