Хөдөлгөөнт эргүүлийнхэн Toyota Land Cruiser 200-аар үүрэг гүйцэтгэнэ

Хөдөө орон нутагт томилолтоор ажилладаг цагдаагийн ажилтнууд болон нийслэлийн гэр хорооллын алслагдсан хороодын цагдаагийн хэсгийнхэн ажлын шаардлагаар жийп хөлөглөх сайхан цаг айсуй. Туулах чадвар сайтай Toyota Land Cruiser 200 маркийн хоёр автомашиныг ЦЕГ-ын даргын тушаалаар  гэмт хэргээс урьдчилан сэргийлэх гэмт хэрэг, зөрчлийн дуудлага мэдээлэлд ажиллуулж эхэлсэн  байна.

Хөдөлгөөнт эргүүлийн машинуудад шатахууны нэмэгдлийг өнөөдрөөс эхлэн олгохоор болжээ. Улаанбаатар хотод үүрэг гүйцэтгэж байгаа дүүрэг дэх цагдаагийн хэлтсүүдийн 68, Замын цагдаагийн албаны 48 нийт 116 хөдөлгөөнт эргүүлийн автомашинд шатахууны нэмэгдлийг Зам, тээвэр, барилга, хот байгуулалтын сайдын 2011 оны 224 дүгээр тушаалын хавсралтын 1-д заасныг баримтлан 25 хувиар нэмэгдүүлжээ.

Шатахууны нэмэгдлийг олгосноор албаны бэлэн байдлыг бүрэн хангаж, автомашины аккумулятор, дуут дохио, гэрэл эвдэрч доголдох эрсдэл буурч, хүйтний улиралд дуудлага, ачаалал ихтэй үед шатахуун хүрэлцэхгүй байх бэрхшээл ард хоцрох болно. Хөдөлгөөнт эргүүлийн автомашинууд үүргээ хэвийн гүйцэтгэх боломж бүрдлээ гэж ЦЕГ-ын Санхүү, аж ахуйн албанаас мэдээлж байна.