Томуугийн дэгдэлтээс сэргийлж,сурагчдын амралтыг наашлуулж бас сунгав

Монгол Улсын Засгийн газраас шийдвэр гаргаж,ерөнхий боловсролын сургуулийн сурагчдын амралтыг сунгалаа.Томуу, томуу төст өвчний хүн амын дундах өвчлөлийн байдалтай уялдуулан зохицуулалт хийх шийдвэр гаргасны дагуу сурагчдын амралтыг 2018 оны 1-р сарын 8-нд эхлэх байсныг 1-р сарын 1 -нээс эхлүүлж 2-р сарын 1-нийг дуустал нэг сар болгож сунгалаа. Энэ нь бүх ангийн сурагчдад хамаарна. Хаврын амралтын 14 хоногийг 7 болгож, зуны амралтыг 7 хоногоор хойшлуулж хичээлийг нөхөх юм байна.

Өнөөдрийн байдлаар амбулаторийн үзлэгт томуу,томуу төст өвчин 6,2 хувийг байна. Олон улсын стандартаар амбулаторийн үзлэгт энэ өвчлөл 10-аас дээш хувьд хүрвэл дэгдэлт гэж үздэг аж. Өнөөдрийн байдлаар сургуулийн сурагчдын ирц 75 хувь,цэцэрлэгийн ирц 95 хувьтай байна. Томуугийн 6 вирус эргэлтэд байгаа бөгөөд эдгээр нь хавсарсан тохиолдолд өвчин хүндрэх эрсдэлтэй байна. Иймд дэгдэлт эхлэхийг хүлээлгүй сурагчдын амралтыг 7 хоногоор наашлуулах шийдвэр гаргалаа.