NEXT STOP наадамд төрийн өндөрлөгүүд оролцох нь тодорхой болжээ

Оны хамгийн нэр хүндтэй наадам болох NEXT STOP энэ сараас эхлэн олны анхаарлын төвд байна. Улс орны нийгэм, улс төр, эдийн засаг, бизнесийн салбарыг нуруун дээрээ үүрч яваа хүмүүс энэхүү наадмаас төрөн гарсан гэж бодохоор наадмын чанар чансаа, үнэлэгдэх үнэлэмж ямар хэмжээнд очсныг илтгэж байна.

25 дахь жилдээ зохион байгуулагдаж буй уг наадам энэ сарын 30-ны өдөр Шангри Ла зочид буудлын ёслол хүндэтгэлийн их танхимд зохион байгуулагдаж шилдгүүдээ тодруулах гэж байна. Уг наадмаас шалгарсан оны залуус өдгөө төр, нийгэм, эдийн засаг, бизнесийн өнөөгийн өнгийг тодорхойлогч байдаг.  Энэхүү наадамд төрийн гурван өндөрлөгөөс авахуулаад гадаад, дотоотод хүлээн зөвшөөрөгдсөн бизнесийн салбарын томчууд, он оны шилдэг залуучууд уригдан оролцдогоороо онцлог билээ. Монгол Улсын цаашдын ирээдүйг тодорхойлох “Бүтээгч улс төрч”, “Бүтээгч бизнесмэн” “Оны залуу” хэн болох бэ?