Дөрвөн яам төрийн нарийн бичиггүй

Засгийн газрын  хуралдаанаар Эрүүл мэндийн яамны Төрийн нарийн бичгийн дарга Д.Очирбатыг ажлаас нь чөлөөлжээ. Төрийн нарийн бичгийн даргагүй яамны тоо ийнхүү нэгээр нэмэгдлээ. Цаашид ч нэмэгдэх магадлалтай. У.Хүрэлсүхийн Засгийн газар байгуулагдсанаасаа хойш Сангийн яам, ХХАХҮ-ийн яам, БСШУСЯ-ны Төрийн нарийн бичгийн дара нарыг ажлаас нь чөлөөлсөн.  Төрийн нарийн бичгийн дарга,дэд сайд гэж байсан ч нэмэргүй байхгүй байлаа гээд үгүйлэгддэггүй орон тоог У.Хүрэлсүх нэгмөсөн цомхотгох гээд байна уу гэх хүлээлт байх шиг. Хэрэв тэгвэл төрийн данхар бүтцийг багасгах, дэмий урсдаг зардал чирэгдлийг гамнахад бага ч атугай хэрэг болно доо гэж эервүү юм бодох гэтэл Сангийн яам, БСШУСЯ-нд төрийн нарийн бичгийн дарга хэрэгтэй гээд  сонгон шалгаруулалт явуулахаар  зар түгжээ. Тэгэхээр нэг даргыг нөгөөгөөр солих томилгоо хийхийн тулд чөлөөлсөн  нь тодорхой аж.  Нэмэгдэхүүний байрыг солиход нийлбэрийн чанар өөрчлөгддөггүй гэдэг.

Н.Дөлгөөн