Цахим ертөнцийн гэмт хэргээс болгоомжлохыг анхааруулав

Сүүлийн үед интернэт ертөнцөөр элдэв зар тарааж бусдыг хохироож байгаа талаар нэлээд яригдах болсон. Үүнтэй холбогдуулан Эрүүгийн цагдаагийн газрын Цахим гэмт хэрэгтэй тэмцэх албанаас цахим гэмт хэрэгтэй холбоотойгоор олон нийтэд  сэрэмжлүүлэг түгээлээ.

Уг сэрэмжлүүлэгт “Зээл гаргаж өгнө, виз гаргаж өгнө, мөнгө шилжүүлнэ гэх заруудыг хуурамч фэйсбүүк хаягнаас зарын группуудээр тарааж байна. Гадаад улсын гэмт бүлэглэлүүд бусдын фэйсбүүк хаягт хууль бусаар нэвтэрч тухайн хаягийг ашиглан залилан мэхлэх гэмт хэрэг үйлдэж байх тул иргэд та бүхэн болгоомжилно уу. Дээрх утга бүхий зарууд нь худал буюу таныг залилах тул ямар нэг байдлаар мөнгө шилжүүлж хохирохгүй байхыг анхааруулж байна” гэсэн байна.

Н.Дүүрэн