Хуваарийн дагуу цас мөсийг тогтмол цэвэрлэж байна

“Зорчигч тээврийн нэгтгэл”-ийн ажилчид сард 2 удаа хуваарьт их цэвэрлэгээг хийж, цас мөс, сул шороог тогтмол цэвэрлэж байна. Нэгтгэлийн захиргаа, инженер техникийн ажилчид 900 мкв талбайн цас мөсийг  тогтмол цэвэрлэж байгаа бол 1, 2, 3 дугаар баазын 10 хэсгийн ажилтнууд сард 2 удаа их цэвэрлэгээ хийж байна. 1 дүгээр баазын ажилчид сар бүрийн 15, 30-ны өдрүүдэд 4 га талбайг цэвэрлэдэг. Харин 2 дугаар баазын ажилчид 2017 онд 34 удаа их цэвэрлэгээ хийж 225 га газрын цас, мөсийг арилгасан. Цэвэрлэгээнд давхардсан тоогоор 7582 хүн оролцсон байна. Мөн байгууллагын 50м орчмын зам талбай,   автобусны эцсийн зогсоолуудыг  цэвэрлэн, Натул эмнэлгээс Мандах дээд сургууль хүртэлх  явган хүний замыг цэвэрлэжээ. Шинэ он гарснаас хойш 15 га газрыг 4 удаа цэвэрлэж 1300 ажилтныг хамруулсан байна.