Барилгын кран унаж хүн гэмтжээ

Баянзүрх дүүргийн 26 дугаар хороо, Алтай констракшны Саруул хотхоны барилгын ажил хийж байсан кран унаж хүн гэмтсэн гэсэн мэдээллийг Нийслэлийн онцгой байдлын газарт өчигдөр буюу дөрөвдүгээр сарын 16-ны 17:40 цагт өгсөн байна. Нийслэлийн аврах анги -105 бүлгийг очиход тус хорооллын барилгын ажил хийж байсан 36 метрийн өндөртэй кран унаж, кранист 36 настай, эрэгтэй гэмтсэн байсныг эмнэлгийн байгууллагад хүлээлгэн өгсөн.      Кран унасны улмаас 4 автомашинд эвдрэл үүсч, Баянмонгол хорооллын 919 дүгээр байрны дээврийн хэсэг нурсан байдалтай байсан байна. Одоогоор мэргэжлийн байгууллагууд шалгаж байна.