Ажил хаялтын өмнөх суулт хүрээгээ тэллээ

ЭМАҮЭХ-ны түүчээлсэн хөдөлмөрийн үнэлэмж нэмэгдүүлэх, ажлын ачааллыг бууруулах шаардлагаа дэмжиж ажил хаялтын өмнөх суулт улам өргөжин, тэмцлийн дараагийн арга хэмжээнд шилжиж буйгаа илэрхийллээ.
МҮЭ-ийн холбоо болон зарим гишүүн байгууллагууд хүч нэмэн сууж эхэлсэн ба өнөөдөр эмч, сувилагч нар үсээ хусуулж тэмцлийн үе шат хурцдаж байгааг төр засгийнханд анхаарууллаа.
Өчигдөр буюу 05 сарын 15-нд үргэлжилсэн Нэмэлт хэлэлцээ тодорхой үр дүнд хүрэлгүй тарсан, ядарч зүдэрсэн ард түмнээрээ доог тохуу хийж, цаг хожих алхмуудыг удаа дараа хийж байна хэмээн ЭМАҮЭХ-ны дарга Б.Мягмар онцолж байв.
Эрх баригчид нааштай шийдвэр өгөхөөс нааш суултынхаа цагийг уртасгаж, үргэлжлүүлнэ гэдгээ зохион байгуулагчид нь энэ үеэр хэвлэлийнхэнд мэдэгдлээ.