ОУВС болон Сангийн сайд Ч.Хүрэлбаатар нарт шаардлага хүргүүллээ

2018 оны 05-р сарын 24 өдөр, 08 цаг 59 минутад нийтэлсэн (Сэтгэгдэл үлдээх )
33382647_1809463212425183_2621824109662699520_n

Монгол улсын эдийн засагт өсөлт гарч, гадаад өр зээлээ дарж байна гэсэн мэдээллийг Засгийн газар олон нийтэд түгээж байгаа. Гэвч ард иргэдийн бодит амьдрал хүнд хэвээр байна. Тэр дундаа эрүүл мэндийн салбарын ажиллагчдын цалин хөлс туйлын бага, ажлын ачаалал их цаашид тэвчиж ажиллахад туйлын хүнд болсон байгааг өнгөрсөн 8 өдрийн суулт, үсээ хусуулсан тэмцэл, 41 настай залуухан хавдрын сувилагч өөрөө хорт хавдраар өвчлөн үс нь зулгарч, эрчимт эмчилгээнд орсон байгаа ганцхан жишээ зэргээс Та ooбүхэн харж байгаа байх.
Манай орны нэг сувилагч 3-4 сувилагчийн ажлыг дангаараа хийчихээд бүтэн сардаа хөгжингүй орны сувилагчийн нэг өдрийн цалинг л авч байна. Энэ бол хөдөлмөрийн мөлжлөг. Бид цалин нэмүүлэх биш хийсэн ажлынхаа хөлсийг л өгөөч гэдгийг Монгол Улсын Засгийн газраас шаардаж байгаа.
Засгийн газар “Хөдөлмөр, нийгмийн зөвшлийн Улсын 3 талт хэлэлцээр”-ийг эхлүүлсэн боловч “Олон Улсын Валютын Сантай байгуулсан хатуу нөхцөлтэй гэрээнд цалин хөлсийг царцаах заалт” байгаа гэсэн нэрээр асуудлыг шийдвэрлэхгүй өдийг хүрч “Ажил хаялт” хийхэд хүргээд байна.
Дэлхийн улс орнуудын ард иргэдийн сайн сайхан амьдралын төлөө, тэдгээрийн эдийн засгийг сэргээхэд дэмжлэг, туслалцаа үзүүлж ажилладаг ОУВС-ийн эрхэм төлөөлөгчид Та бүхнийг үүсээд байгаа нөхцөл байдалд зөв дүгнэлт хийж “Хөдөлмөрийн мөлжлөгийг зогсоох”-ын төлөөх шаардлагыг “Цалин нэмүүлэх шаардлага” гэж андуурахгүй байх гэдэгт итгэж байна.
Иймд бид “Эрүүл мэндийн салбарын ажилтнуудын хөдөлмөрийн мөлжлөгийг зогсоож одоо авч байгаа цалин хөлсийг 2018 оны 2 дугаар улиралд багтаанд 50-иас доошгүй хувиар нэмэгдүүлэх” талаар Засгийн газарт тавьж буй шаардлагыг хэрэгжүүлэхэд дээр дурдсан “Хатуу нөхцөлөө зөөлрүүл” гэсэн ШААРДЛАГА-ыг 15000 эмч, ажилтны гарын үсэг бүхий 541 хуудас баримтыг хавсаргав.
Шаардлагын хариуг 2018 оны 05 дугаар сарын 28-ны дотор ирүүлэхийг мэдэгдсэн болно.
Монголын эрүүл мэндийн ажилтны ҮЭ-ийн холбоо
2018.05.23

33324968_1809463119091859_7134996914193301504_n 33317285_1809463165758521_1005991966195843072_n 33306795_1809463162425188_7583757907850690560_n 33224571_1809463129091858_8743570279462076416_n

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх