“Морин хуурын олон улсын наадам” зургаа дахь жилдээ болно

2018 оны 06-р сарын 27 өдөр, 10 цаг 43 минутад нийтэлсэн (Сэтгэгдэл үлдээх )
36277957_1286076591524992_5787674014264590336_n_20180627083657

Монгол Улсын Ерөнхийлөгчийн 2002 оны “Морин хуураа дээдлэн дэлгэрүүлэх тухай” 17 дугаар зарлигийг хэрэгжүүлэх зорилтын хүрээнд 2008 онд “Дэлхийн морин хуурын холбоо” ТББ байгуулагдаж, олон төрлийн арга хэмжээ зохион байгуулсны нэг нь Улаанбаатар хотод хоёр жил тутам зохион байгуулагддаг “Морин хуурын олон улсын наадам” билээ.

Энэхүү наадам нь Монголын соёл, урлагийг морин хуур хөгжмөөр дамжуулан дэлхий нийтэд сурталчлах, морин хуурыг сурч, судалж буй олон улсын сонирхогч, судлаачдын хамтын ажиллагааг өргөжүүлэх, харилцан суралцахад дэмжлэг үзүүлэх зорилготой.

Наадамд ОХУ, БНХАУ, Япон, АНУ, БНСУ, ХБНГУ, БНФУ-ын морин хуурч суралцагчид болон багш, судлаач, урлаач, уран бүтээлчид оролцоно.

Тус олон улсын наадам “Мэргэжлийн морин хуур урлаачдын уралдаан”, “Морин хуур сонирхогчдын уралдаан”, “Гадаад морин хуурчдын тоглолт”, “Уулзалт-хэлэлцүүлэг”, “Үзэсгэлэн” гэсэн төрлөөр 06 дугаар сарын 30-наас 07 дугаар сарын 05-ны өдрүүдэд зохион байгуулагдах юм.

Энэхүү арга хэмжээний зохион байгуулагчаар “Дэлхийн морин хуурын холбоо”, дэмжигчээр Нийслэлийн Соёл, урлагийн газар, БСШУСЯ, Үндэсний урлагийн их театр, Улсын филармон ажиллаж байна гэж нийслэлийн Соёл урлагийн газраас мэдээллээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх