Жүжигчин Э.Ууганбаяр МУЗН-ийн Хүүхэд залуучуудын хөдөлгөөнийг тэргүүлэхээр сонгогдов

МУЗН-ийн Хүүхэд залуучуудын хөдөлгөөний энэ жилийн зуслан цугларалтаар зохион байгуулалтын асуудал хэлэлцэж, хөдөлгөөний тэргүүнээр “Найзууд” театрын жүжигчин Э. Ууганбаяр сонгогдлоо. Тэрээр хүмүүнлэгийн үйл ажиллагаанд байнга оролцож, МУЗН-ийн хүүхэд залуучуудын хөдөлгөөнийг дэмжин ажиллаж ирсэн юм. Э.Ууганбаяр нь 1984 онд төрсөн, 1991-2001 онд нийслэлийн 14 дүгээр сургуулийг төгсөөд 2001-2005 онд СУИС-д суралцан төгссөн байна.

2005-2007 онд “Хувьсал продакшн” 2006-2007 онд “Хувьсал энтертайнмент” 2009 оноос “Найзууд театр”-ын жүжигчнээр тус тус ажиллаж байна. Хамгийн сүүлд “The Voice of Mongolia” шоу нэвтрүүлгийг амжилттай хөтөлж, олны талархлыг хүлээсэн.

Тэрбээр тайз, дэлгэцийн 30 гаруй уран бүтээлд тоглож буй манай авъяаслаг залуу жүжигчдийн нэг бөгөөд хүүхэд залуучуудын талархлыг хүлээж, үлгэр дууриал болдог. Тиймээс 300 гаруй Улаан загалмайч хүүхдүүдийн олонхи хөдөлгөөний тэргүүнээр жүжигчин Э. Ууганбаярыг сонгохыг дэмжсэн юм.

Н.Дөл