Хоолны чиглэлээр үйлчилгээ эрхлэгчид шинэ стандарт мөрдөнө

Сүхбаатар дүүргийн Засаг даргын Тамгын газраас “Хоолны газрын ангилал, нэр томъёоны тодорхойлолт, тавигдах ерөнхий шаардлага” шинэчилсэн стандартын төслийн хэлэлцүүлгийг зохион байгууллаа.
Хэлэлцүүлэгт ХХААХҮЯ, Улаанбаатар хотын ЗАА, дүүргүүдийн ЗДТГ-ын Хүнс, худалдаа үйлчилгээний хэлтсүүд, Нийслэлийн Мэргэжлийн Хяналтын газар, дүүрэг дэх Мэргэжлийн хяналтын хэлтэс, эрдэмтэн багш, судлаачид, зөвлөх инженерүүд, хоол үйлдвэрлэл, үйлчилгээ эрхлэгч аж ахуйн нэгж, төрийн бус байгууллагууд хамтран оролцлоо.
“Стандартчилал, тохирлын үнэлгээний тухай” хуулийн танилцуулга, үйлчилгээний газруудад хийсэн хяналт, шалгалтын дүн, “Худалдаа-Хоол үйлдвэрлэл, үйлчилгээ-2020” нийслэлийн дэд хөтөлбөр, тус салбарын эрхзүйн орчинг сайжруулах чиглэлээр хийж буй ажил, цаашдын зорилт” зэрэг сэдвүүдээр мэдээлэл өгч, шинэчилсэн стандартын төслийг танилцуулж, хэлэлцүүллээ.