СХД “Өглөөний гудамж”-тай боллоо

Иргэдэд хүрэх төрийн үйлчилгээг ойртуулах, ажлын цагаар авч амжихгүй байгаа үйлчилгээгээ ажилдаа явах замдаа авах боломжийг бүрдүүлэх зорилгоор Засаг дарга Ж.Сандагсүрэн болон дүүргийн иргэд олон нийтийн санаачлагаар СХД “Өглөөний гудамж”-тай боллоо.

Өдөрлөгөөр Сонгинохайрхан дүүргийн Засаг даргын Тамгын газар, Улсын бүртгэлийн хэлтэс, Нийгмийн даатгалын хэлтэс, Татварын алба, Газрын алба, Хөдөлмөр, халамж үйлчилгээний хэлтэс, Эрүүл мэндийн төв, Спорт хороо зэрэг байгууллагууд иргэдэд төрийн үйлчилгээ үзүүлж, арилжааны банкууд болон үүрэн холбооны операторууд тус бүрийнхээ үйлчилгээг үзүүлж байна.

 Мөн оюуны тоглоом болон шатар даам, хөдөлгөөний дутагдлаас сэргийлэх дасгал хөдөлгөөн хийж, “Өглөөний гудамж”-ийн нээлтэд ирсэн иргэдэд хүнсний бүтээгдэхүүн үйлдвэрлэгчид хөнгөлөлттэй үнээр бүтээгдэхүүнээ борлуулан хүүхэд багачуудад үнэгүй зайрмаг тарааж нэгэн өглөөг хамтдаа эртлэн угтлаа.

Эрт босох дадлыг төлөвшүүлэх зорилгоор зохион байгуулагдаж “Өглөөний гудамж” төсөл 9 сар хүртэл үргэлжлэх бөгөөд амралтын өдрүүд болон нийтээр тэмдэглэн өнгөрүүлэх баярын өдрүүдэд амарна.