Зүүнбаянд 50 хүүхдийн цэцэрлэгийн барилгын шав тавих ёслол боллоо

Дорноговь аймгийн Сайншанд сумын 5 дугаар багт баригдах 50 хүүхдийн цэцэрлэгийн барилгын шав тавих ёслол 2018 оны 08 дугаар сарын 02-ны өдөр боллоо. Ёслолын үйл ажиллагаанд аймгийн Засаг даргын орлогч Г.Эрдэнэцэцэг, аймгийн ИТХ-ын төлөөлөгч бөгөөд Дэчинчойнхорлин хийдийн хамба лам Ж.Болор-Эрдэнэ, Сайншанд сумын ЗДТГ-ын дарга Г.Тунгалагтуяа, “Доншен газрын тос Монгол” ХХК-ийн төлөөллүүд оролцлоо. “Доншен газрын тос Монгол” ХХК нь нийгмийн хариуцлагынхаа хүрээнд тус цэцэрлэгийн барилгыг барьж байгуулах бөгөөд гүйцэтгэгчээр “Хархорин Өргөө” ХХК ажиллах юм.