“Нүүдэлчин Монгол 2018” наадамд Хан-Уул дүүрэг амжилттай оролцлоо

Монгол түмний өв уламжлал, соёлыг түгээн дэлгэрүүлэх, хойч үедээ өвлүүлэн үлдээх, спортыг хөгжүүлэх зорилго бүхий “Нүүдэлчин Монгол 2018” наадамд Хан-Уул дүүргийн 50 гаруй шалгарсан авъяастнууд амжилттай оролцлоо.  “Соёлын биет бус өвийн их наадам”-ын хүрээнд Эх хэл болон аман уламжлал, илэрхийллүүд, Гар урлал, Язгуур урлаг,  Байгалийн болон сав ертөнцийн тухай мэдлэг, арга ухаан болон  Уламжлалт зан үйл, ёслол, баяр наадам гэсэн таван үндсэн сэдвээр 21 аймаг, нийслэлийн есөн дүүргээс шалгарсан авъяастнууд авхаалж самбаагаа сөрөн өрсөлдсөн.

Мөн морин поло, үндэсний бөх, сур, буриад, урианхай сур, ширээний шагай, уран уургач, бугуйлч шалгаруулах тэмцээн, эмнэг булгиулах, жороо морины уралдаан, тэмээ, бүргэдийн баяр, сарлагийн уралдаан зэрэг тэмцээн уралдаанд Хан-Уул дүүрэг амжилттай оролцлоо.