Монгол улсын хүн амын дунд сүүлийн жилүүдэд бөөрний эмгэгийн улмаас бөөр орлуулах эмчилгээнд хамрагдах хүний тоо нэмэгдэж байна

Монгол улсын хүн амын дунд сүүлийн жилүүдэд бөөрний эмгэгийн улмаас бөөр орлуулах эмчилгээнд хамрагдах хүний тоо нэмэгдэж байна. Өөрөөр хэлбэл өнөөгийн байдлаар улсын хэмжээнд бөөр шилжүүлэн суулгасан 283, гемодиализ  эмчилгээнд 654, хэвлийн диализ эмчилгээнд 52 хүн хамрагдаад байна. Иймээс бөөрний эмгэгийг эрт оношлох, төгс , эмчлэх суулгасан бөөрний эмгэгийг тогтоох зорилгоор УНЭТ-ийн бөөрний төвд “Бөөрний биопси”-г хийж хэвшүүлээд байна.

Биопсийн шинжилгээг хийхэд зүүний чиглүүлэгчтэй датчикгүй, доплер эхо хүрэлцээгүйн улмаас бөөрний биопси хийх ажилбарын хугацаа уртсах, хүндрэл гарах эрсдэл нэмэгдэх, хатгалтын дараах хяналт хязгаарлагдмал байх зэрэг бэрхшээлүүд байсан тэгвэл өнөөдөр УНТЭ-ийн Бөөрний төвд Оюу толгой ХХК-ийн санхүүжилтээр Шинжьюкү ХХ-ны нийлүүлж буй “Зүүний чиглүүлэгчтэй эхо” DC-60 аппаратыг хандивласнаар дээрхи бэрхшээлүүд арилж Монголын бөөр судлалын салбарт бөөрний эмгэгийг оношлох “Алтан стандарт” болсон бөөрний биопсын шинжилгээг олон улсын жишигт нийцүүлэн технологийн өндөр түвшинд хийх болно.