Ахмадууд “Номын үзэсгэлэн” зохион байгууллаа

Монголын Залуучуудын Холбоо ахмадын баярыг тохиолдуулан МХЗЭ, МЗХ-д ажиллаж байсан үе үеийн ахмадуудаа хүлээн авч хүндэтгэл үзүүлдэг уламжлалтай энэ жилийн Ахмадын баярыг тохиолдуулан МЗХ-ны Ерөнхий Нарийн Бичгийн Дарга Б.Бэлгүтэй, МЗХ-ны Бодлогын хэрэгжилтийг зохицуулах газрын дарга Ө.Шинэхүү болон МЗХ-ны нийт ажилчид үе үеийн ахмад ажилчдаа хүлээн авч, ажиллаж байсан  үеийнх нь дурсамж, дурдатгалаас хуваалцлаа. Уг  хүндэтгэлийн  арга  хэмжээний үеэр 2017 оноос эхлэн МХЗЭ-ийн Ахмад ажилтны холбооны санаачлагчаар ахмадууд өөрсдийнхөө гаргасан бүтээл, номоор үзэсгэлэн зохион байгуулж, хоорондоо солилцдог болжээ. Хүндэтгэлийн арга хэмжээнд 30 гаруй ахмад  хүрэлцэн  ирсэн бөгөөд МУ-ын гавьяат эдийн засагч, Монголын жимс жимсгэнийг үндэсний холбооны тэргүүн, Хүнс, Хөдөө Аж Ахуйн сайд асан Д.Насанжаргал, МХЗЭ-ийн ахмад ажилтны холбооны тэргүүн ШУ-ны академич, гавьяат ажилтан Д.Дашжамц, МХЗЭ-ийн ахмад ажилтны холбооны гүйцэтгэх захирал С.Батмягмар, МЗХ-ны Ахмадын зөвлөлийн дарга Соёлын Гавьяат зүтгэлтэн С.Даш зэрэг хүндэт эрхмүүд хүрэлцэн иржээ.

Ахмадууд тэдний  үйл хэргийг  залгамжилж яваа залуучууддаа  үнэтэй  сургаалаа  хайрлаж Монголын залуучуудын байгууллага өдгөө 97 жилийн түүхтэй энэ хугацаанд нийгмийн бүтээн байгуулалтыг залуучууд үеийн үед эхлүүлж, гүйцэтгэж байсан гэдгийг сануулан МЗХ-ны 2017-2044 он хүртэлх 25 жилийн “Залуусаа бүтээе” бодлого хөтөлбөр, уриаг дэмжиж байгаагаа илэрхийллээ.

 Нийт ахмадуудад “СҮҮ” ХК бүтээгдэхүүний дээжээс болон “Хүч” бөөний төвийн эрүүл мэндийн вакус бэлэглэсэн юм.