Хүний эрхийн Үндэсний Байгууллагуудын Дэлхийн Холбооны 13 дугаар ээлжит Олон Улсын Бага Хуралд оролцож байна

Монгол Улсын Хүний эрхийн Үндэсний Комиссын дарга Ж.Бямбадорж, Ажлын албаны дарга Ч.Алтангэрэл нар НҮБ-ын Хүний эрхийн Дээд Комиссарын Газар, Хүний эрхийн Үндэсний Байгууллагуудын Дэлхийн Холбоо, Мароккогийн Улсын Хүний эрхийн Үндэсний Зөвлөлөөс ирүүлсэн урилгаар Мароккогийн вант улсад ажиллаж байна.

Төлөөлөгчид 2018 оны 10 дугаар сарын 8-14-нд тус улсын Марракеш хотод зохион байгуулагдаж буй Хүний эрхийн Үндэсний Байгууллагуудын Дэлхийн Холбооны 13 дугаар ээлжит Олон Улсын Бага Хуралд  оролцож байна.

Дашрамд сонирхуулахад, Монгол Улсын Хүний эрхийн Үндэсний Комиссын дарга Ж.Бямбадорж нь 2015-2017 онд Ази Номхон Далайн бүс нутгийн Хүний эрхийн үндэсний байгууллагуудын Чуулганы даргаар ажиллаж байсан бөгөөд 2018 оны 09 дүгээр сараас Ази Номхон Далайн бүс нутгийн Хүний эрхийн үндэсний байгууллагуудын Чуулганы дэд дарга бөгөөд Удирдах Хорооны гишүүнээр дахин сонгогдоод байгаа билээ.