Амь насаа алдсан алба хаагчийн гэр бүлд буцалтгүй тусламж олгов

Албан үүргээ гүйцэтгэж яваад харамсалтайгаар амь эрсэдсэн Сүхбаатар дүүрэг дэх Цагдаагийн хоёрдугаар хэлтсийн албан хаагч, эргүүлийн цагдаа жолооч, цагдаагийн ахлах ахлагч Д.Батсайханы гэр бүлд дүүргийн Засаг даргын захирамжаар буцалтгүй тусламж олгов. Буцалтгүй тусламжийг өнөөдөр дүүргийн Засаг даргын Тамгын газрын дарга Н.Энхболд, Нийгмийн хөгжлийн хэлтсийн дарга Д.Тунгаа нар ар гэрт нь хүлээлгэн өгч, талийгаачийн ах дүү, гэр бүл, төрөл төрөгсдөд гүн эмгэнэл илэрхийллээ.